18-oktabr Samarqand kuni 

6 258

1996-yil 18-oktabr – Samarqand va Shahrisabz shaharlarida Sohibqiron Amir Temur haykali ochildi. Har ikki shaharga "Amir Temur” ordeni topshirildi. Shu kuni Samarqandning Registon maydonida Sohibqiron Amir Temur tavalludining 660 yilligi katta tantana bilan nishonlandi. Jahon sayqaliga aylangan bu ko’hna va tabarruk shahar Sohibqiron taqdiri, uning bezovta beorom kunlari, buyuk orzulari, armon-iztiroblariga guvoh bo’lgan muqaddas maskandir. Ayni paytda Samarqand millatni millat, davlatni davlat qilgan Amir Temur daholik qudratining ramzi, uning beqiyos ifodasidir. Tantanalar paytida mamlakatimiz birinchi Prezidenti Islom Karimov Samarqand shahriga "Amir Temur” ordenini topshirdi. U shahar ahlini mukofot bilan qutlab, Sohibqiron tavalludi bayrami kunlarida shaharga birinchi raqamli orden topshirilishi ramziy ma’noga ega tarixiy voqea ekanligini ta’kidlab ushbu unutilmas kun - 18-oktyabrni "Samarqand kuni” deb e’lon etishni taklif qildi. Yig’ilganlar bu taklifni mamnuniyat bilan qarshi oldilar. "Qachonki, biz Amir Temur hazratlarini yod etar ekanmiz, Sohibqiron saltanatining poytaxtini ham ehtirom bilan tilga olamiz. Chunki, Amir Temur va Samarqand tushunchalarini bir-biridan ayri holda tasavvur etib bo’lmaydi. Samarqandning moviy gumbazlari, osmono’par minoralari, ulardagi betakror ranglar, olam-olam mazmunga ega naqshu nigorlar bizni yerga qarab emas, boshimizni baland ko’tarib, qadr-qimmatimizni bilib yashashga undaydi”, - dedi Prezidentimiz faxr bilan. Sohibqiron Amir Temur tavalludining 660 yilligiga bag’ishlanib Samarqandning Registon maydonida o’tkazilgan teatrlashtirilgan tomosha dasturi o’zining tarixiy-falsafiy ko’lamiga ko’ra ancha chuqur mazmunga ega bo’ldi.

18-oktabr AQSHda shrinliklar kuni
AQShda oktyabr oyining 3 shanbasida 18 oktyabrda shirinliklar kuni nishonlanadi. Bu odat 1922-yili konditer fabrikasini ishchisi kambag'al etimlarga yordam bermoqchi bo'lgan kun sababli urfga aylanib nishonlanadi. Ilk bor o'tkazilganda kinoyulduz Anna Pennington 2200 klivlendlik gazeta tarqatuvchi bolakaylarga shirinliklar sovg'asini tarqatgan. Bayramning ilk sanalari AQShning markaziy va g'arbiy rayonlaridagi -Illinoys, Michigan va Ogayo shtatlarida nishonlanib kelinardi. Ushbu bayram do'stlik munosabatlarini hamda romantik ehtiroslarni kuchaytirish uchun katta ta'sir qiladi. Ushbu kunda shokolad va atirgul sovg'a qilish belgilangan. Eslatib o'tamiz ushbu kundan tashqari dunyoda yana xalqaro tortlar kuni yoki butunjahon shokolad kuni ham mavjud.

Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!
Agarda Siz maqolada xatoni uchratgan bo'lsangiz, unda xato matnni belgilab, CTRL + ENTER klavishasini bosing va sayt ma'muriga xabarnoma jo'nating.