Yuklanmoqda...

4-sentyabr Armanistonda qutqaruvchilar bayrami


Qutqaruvchilar kuni Armanistonda 2008-yildan boshlab har yili 4-sentyabr kuni nishonlanadi. Armaniston qutqaruvchilari favqulotda hodisalarning oqibatlarini yo’qotish bo’yicha katta tajribaga egalar. 1988-yilda Spitak shahrida yuz bergan yer qimirlashida ko’plab odamlarning hayotini saqlab qolganlar. Shundan so’ng Armaniston va boshqa respublikalarda qutqaruv xizmati yaratilgan.

Toshkentda "Turkiston” saroyining tantanali ochilish marosimi bo’lib o’tgan kun
 "Turkiston” saroyi ( Navoiy ko’chasi, 2) – Mustaqillik maydoni shimolida Anhor bo’yidagi konsert zali binosi. Dastlab "Turkiston” kinokonsert zali deb nomlangan (1992, me’morlari Yu.Xaldeyev va F.Tursunov), keyinchalik yozgi teatr sahnasi (1993, me’mori V. Akoljanyan) da xalq an’anaviy bayramlari, teatrlashtirilgan tomoshalar o’tkazilishi munosabati bilan hozirgi nomi bilan yuritila boshlagan. Bino oldidagi keng sahnli maydoncha ko’kalamzorlashtirilgan. 3 pog’onali, marmar bilan qoplangan favvoralar ishlangan hamda humo qushi tasviri tushirilgan (rassom B. Jalolov eskizi) yodgorlik o’rnatilgan. "Turkiston” saroyiga zinapoyalar orqali ko’tariladi. Bosh tarzi muqarnas bezakli. Binoning pastki qavatida kassa, texnik xizmat xonalari joylashgan. Vestibyulga kiraverishda Turkistonning tarixiy shaharlari panoramasi havo rangda, ba’zi qismlari sariq rangda aks ettirilgan. Yirik-yirik qilib taxlangan qizil marmar tosh sirli sopol idishlar, o’simliklar bilan uyg’unlashtirilgan holda foyening chap qanotida dam olish burchagi tashkil qilingan. 2-qavat vestibyul’ yon oynasidan B. Jalolovning "Umar Xayyom tushlari” asari o’rin olgan. Tomosha zali muqarnaslar, ganchkori bezaklar, gumbaz va kundal naqshlar bilan pardozlangan. Yozgi teatr (3200 o’rinli) qadimiy teatr maydoniga xos uslubda qurilgan. Markaziy arena qurilmasi qiya tirgak va chambarak toj shaklida bo’lib, dorboz va kurashchilarning chiqishlari uchun, zamonaviy tomosha va konsertlar uchun moslashtirilgan. Yirik o’lchamli yorug’lik texnikasi va akustik jihozlar, maxsus me’moriy qurilmalar bilan jihozlangan. 200 o’rinli qahvaxonasi bor.

 


Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing! Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!

Sharhlar