Xazonga hech qachon o’t qo’ymang!


  Kech kuzda shahar ko‘chalari, bog` va xiyobonlar xazonga to’ladi va odamlar ularni yig‘ib yoqishadi.
  Afsuski bu ishning foydasidan ko‘ra zarari ko‘proqdir.
 Eslab ko‘raylik, barglar yoz bo‘yi o‘zlariga yo'ldagi chang, og‘ir metal va avtoulov gazlarini yig‘ib, shahar havosini tozalab tabiiy filtr sifatida ishlagan. Yoqilgan xazondan ko‘tarilayotgan tutun ushbu zaharli moddalami yana havoga ko‘taradi. Kuz shamoli esa ularni shahar bo‘ylab tarqatadi va salomatligimizga salbiy ta’sir ko'rsatadi.
  Bundan tashqari, yaproqlarda tuproq uchun zarur bo'lgan organik moddalar bor, ularni yoqib yuborish bilan biz organik o‘g‘itlarning tabiiy almashuv jarayoni va tuproqning ustki qatlamini buzmoqdamiz. Unda xazonni nima qilish kerak?
  Xiyobon va bog‘lardagi xazonni yig‘ib, shamol uchirib ketmasligi uchun ustiga tuproq tortish kerak.
  Ko‘cha va yo‘laklardan yig‘ilgan xazonni chiritib, o‘g‘it sifatida yana yerga qaytarish kerak.
  Xazonga hech qachon o’t qo’ymang!

Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing!

Sharhlar