Yuklanmoqda...

Olimlar Frans-Iosif Yeri yaqinidagi dengiz suvini namunali darajada toza deb topdi 

68

Frans-Iosif Yeri nomli arktik arxipelag yaqinidagi dengiz suvi olimlar tomonidan gidrokimyoviy xususiyatlariga ko‘ra okean suvlari uchun tozalik namunasi deb topildi. Bu haqda "Rus Arktikasi” milliy bog‘i ilmiy faoliyat bo‘yicha direktori muovini Mariya Gavrilo bayonot berdi, deb xabar qiladi "Interfaks”.
 

"Moskvada o‘tkazilgan tahlil shuni ko‘rsatdiki, u yerdagi suv dengiz suvlari uchun namuna bo‘la oladi. U, xususan, sohilbo‘yidan keladigan aralashmalardan xolidir. O‘z mikroelement tarkibiga ko‘ra ushbu okean suvi, qirg‘oqning yaqinligiga qaramay, global geokimyoviy fonni aks ettiradi. Shu tariqa, olimlarning fikricha, Frans-Iosif Yeri akvatoriyasi unikal joydir, negaki bunday namunani qirg‘oqqa yaqin yerdan olsa bo‘ladi”, — dedi mutaxassis.

Gavriloning ma’lumotlariga qaraganda, suv namunalari bahorda Rossiya xalqlar do‘stligi universiteti qoshidagi YuNESKO mikroelementlar instituti Moskva hamroh markazi bilan hamkorlikda olingan edi. Kembrij bo‘g‘ozidan hamda Aleksandra Yeri orolining okeanga qaragan tomonidan ham namunalar olingan edi.

Gavriloning so‘zlariga qaraganda, bunday tadqiqotlar boshqa okeanlar, jumladan, Tinch okeanida ham o‘tkazilgan, ammo bu qadar toza namunalarni faqatgina qirg‘oqdan yuzlab kilometr uzoqlikdan topishning imkoni bo‘lgan.


Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!
Agarda Siz maqolada xatoni uchratgan bo'lsangiz, unda xato matnni belgilab, CTRL + ENTER klavishasini bosing va sayt ma'muriga xabarnoma jo'nating.

Sharh qoldirish shakli

kodni yangilash