Odamlarning ko`z o`ngida ko`tarilgan vulqon
Ayrim vulkanlar odamlarning ko`z o`ngida sodir bo`ladi. Parikutin
vulkani shunday vujudga kelgan. 1943-yil 13-fevralda Meksikaning janubidagi
kichik qishloq aholisi kuchsiz, ammo tez-tez takrorlanib turgan yer osti
zarbalarini sezgan. 20-fevralda makkajo`xori ekilgan dala o`rtasidan uzunligi
20 metrdan ortiqroq yoriq paydo bo`ldi. Undan qora tutun ko`tarilib, bir necha
kundan so`ng kuchli portlash ro`y berdi, alanga paydo bo`ldi, yoriqdan kul,
toshlar otilib chiqa boshladi. 2 soatdan so`ng balandligi 2 metrga yetadigan
marza vujudga keldi. Keyingi kunlarda bu marza o`sa boshladi, besh kundan so`ng
uning balandligi 160 metr bo`ldi. 1946-yilga kelib uning balandligi 518 metrga,
1952-yilda esa 2800 metrga yetgan.
