Mehnatkash chuvalchanglar
Xonaki
gul parvarish qiladiganlar gul do‘konlarida sotiladigan "biogumus” deb atalgan
o‘g‘itni yaxshi biladi. Ammo elimxaltaga qadoqlangan bu o‘g‘it qachonlardir
axlatxonaga tashlangan chiqitlardan olinganini ko‘pchilik bilmasa kerak.
Mo‘jiza.
Eng asosiysi, ushbu mo‘jizani axlatni qayta ishlash zavodi texnologlari emas,
balki oddiy chuvalchanglar sodir etishdi. Faqat bizga yaxshi tanish, nam erda
yashaydigan yomg‘ir chuvalchanglari emas, balki Kaliforniya olimlari tomonidan
maxsus yetishtirilgan chuvalchanglar.
Kalifomiyalik
chuvalchanglami yashash muhiti tuproq emas, balki organik axlat va
chiqindilardir. Uzunligi o‘n santimetr bo’lgan bu chuvalchanglar barcha organik
materiallar: qirindi, qog‘oz, karton, irigan sabzavot va boshqa shu kabi
chiqitlar bilan oziqlanadi va ularni organik o‘g‘itlarga aylantiradi. Bu
chuvalchangning "tishi” faqat polietilen, metal va shishaga o‘tmaydi.
"Kaliforniyalik”ning
ishtahasi juda zo‘r - u bir kunda o‘zining vazniga nisbatan ikki barobar ko'p
ovqat yeydi. U o‘zini 4 daraja iliqdan 40 daraja issiqqacha bo’lgan haroratda
ham yaxshi his qila oladi. Kalifomiyalik chuvalchangning umri ham uzoq - 16
yilgacha umr ko‘radi.
Ushbu ajoyib xususiyatlari tufayli
kalifomiyalik chuvalchanglar 15 yildan buyon nafaqat Amerikada, balki ko‘plab
Yevropa mamlakatlarida ham axlat yoqish zavodlariga jiddiy raqobatchi bo‘lib
kelmoqda. Chuvalchanglar Fransiya, Germaniya, Italiya, Daniya va Vengriyada
axlatlarni qayta ishlamoqdalar. Balki yaqin kunlarda ular bizning axlatxonalar
bilan shug‘ullanishni boshlasalar kerak.
Foydalanilgan manbalar:
