20-mart Xalqaro o'rmonlarni himoyalash bayrami 

Butun dunyoda Xalqaro o'rmon kuni yoki Xalqaro o'rmonlarni himoya qilish bayrami 1971 yilda tashkil etilgan. 1971-yili 23-Bosh Assambleyasida o'tkazilgan Yevropa qishloq xo'jaligini konferensiyasi tashabbuschi bo'lib chiqdi, bu g'oya Birlashgan Millatlar Tashkiloti qoshidagi Butunjahon Oziq-ovqat va qishloq xo'jaligi tashkiloti tomonidan qo'llab-quvvatlandi. Shundan beri Birlashgan Millatlar Tashkiloti tashabbusi bilan har yili 20- yoki 21-mart - Xalqaro o'rmanlarni himoya qilish bayrami (International Day of Forests) nishonlanadi. Bayramni o'tkazishdan maqsad - o'rmonlarni saqlash zarurligini to'g'risida jamiyatni axborotlantirishdir. Bayram aynan, Janubiy yarim sharida kuzgi tengkunlik va Shimoliy yarim sharida tengkunlikka to'g'ri kelgan kunida nishonlanadi ( an'anaga ko'ra, bu kun yangi hayot, yangi tashabbuslar belgisi bo'lgan bahorning birinchi kuni). O'rmonlar muhofazasi, uning boyliklarini asrash muammolari Butun dunyo oldida zarur ekologik masalalardan hisobdanadi. O'rmon - bir-biriga va o'sish sharoitiga ta'sir etuvchi va geografik landshaft elementini hosil qiluvchi daraxtsimon o'simliklar majmui; Yer o'simlik qoplamining asosiy tiplaridan biri, biosferaning tarkibiy va juda muhim qismi. O'simliklarning ko'pgina hayotiy shakllaridan iborat bo'lib, bular orasida daraxt va butalar asosiy, o'tlar, butachalar, yo'sinlar, lishayniklar va hokozolar, ikkinchi darajali rol o'ynaydi. O'rmon Antarktidadan tashqari hamma qitalarda o'sadi, Yer sharidagi quruqlikning 38 millon kvadrat klometr (uchdan bir qismi) ishg'ol qiladi shundan 13% muhofaza qilinayotgan maydon. Yerning o'rmonlari maydoni 4 millard maydonni egallaydi (O'zbekistonda 8,5 millonni tashkil etadi, 2004). Kun sayin o'rmon maydoni kamayib bormoqda. Ekspertlar xisobi bo'yicha ohirgi 10 ming yil mobaynida inson tomonidan 26 millon kvatrat klometr o'rmon qirg'in qilingan. O'rmon tabiiy (urug'idan, vegetativ, bachkisidan) hamda sun'iy (urug' yoki ko'chat ekib) yo'l bilan tiklanadi. Tabiiy o'rmonlar asosiy maydonni egallaydi. O'rmon tarkibi va rivojlanishiga ko'ra bir qancha tiplarga ajratiladi. Har bir tip muayyan bir turdagi daraxtlar, butalar, shuningdek, o'tlar, butachalar, yo'sin va lishayniklardan iborat. O'sish mintaqalariga ko'ra, O'rmonlar Shimoliy yarim sharda tropik, subtropik, geografik zonallikka ko'ra tundra, tayga, dasht, cho'l, to'qay va boshqa, o'simlik-daraxtlar tarkibiga ko'ra qarag'ay, archa, qayin, eman va hokozolar O'rmonlariga bo'linadi. O'rmonning rivojlanishi tuproq, iqlim sharoiti, hayvonlar ishtiroki va roli, insonning bevosita aralashuvi bilan bog'liq. O'rmondan unumli foydalanilsa, etilgan daraxtlar tanlab qirqilsa, O'rmon uzoq yashaydi, yaxshi tiklanadi. O'rmon o'z navbati-da, tuproq sharoitiga, uning suv rejimiga, strukturasiga, organik va mineral moddalarning to'planishiga, tuproq unumdorligiga katta ta'sir ko'rsatadi. O'rmonda nam ko'pligi tufayli gumus (chirindi) mo'l to'planadi, tuproq tez ishqorsizlanadi, kislotaliligi ortadi, ildizlar chuqur tarqaladi. O'rmon yozgi, ayniqsa, qishki yog'inlarning taqsimlanishi va to'planishiga ta'sir ko'rsatib, o'simlik hamda hayvonlar uchun mikroiqlim yaratadi. Erning O'rmon qoplami — tirik moddalarning planetar akkumulyatorlaridan biri bo'lib, O'rmon biosferada bir qator kimyoviy elementlar va suvni saqlab turadi, troposfera bilan o'zaro faol ta'sirlashadi va kislorod hamda uglerod balansi darajasiny belgilaydi. Ular odamzod uchun kerakli bo'lgan kislorodning 60% ni ishlab chikaradi. O'rmon rekreasiya va sog'lomlashtirish ahamiyatiga ega. Tuproqni shamrl va suv eroziyasidan, temir va avtomobil  yo'llari, kanallar, qishloq xo'jaligi ekinlari ekilgan maydonlarni, aholi punktlaryni turli noqulay tabiiy hodisalardan himoya qiladi. O'rmonlar tog'larda sel oqimlarining vujudga kelishiga yo'l qo'ymay-di, qor ko'chishi, tuproqlar siljishining oddini oladi. O'rmon yog'ochlaridan 20 mingdan ortiq mahsulotlar ishlab chiqariladi. O'zbekiston Respublikasida O'rmonga oid munosabatlar 1999-yil 15-aprelda qabul qilingan O'zbekiston Respublikasining «O'rmon to'g'risida» qonuni bilan tartibga solinadi (yana boshqalar. O'rmon resurslari, O'rmon fondi).