Qaysi davlatlar poytaxtlari nomlari o`zgargan?
Yillar davomida turli mamlakatlar o`z poytaxtlarini o`zgartirishgan, deya xabar qildi News.day.az nashri. Nafaqat poytaxtning o`zi, balki uning nomlari ham vaqt o`tib o`zgartirilgan. Quyida ularning ba`zilari bilan tanishish mumkin:
Bishkek, Qirg`iziston poytaxti. 1878-yili tashkil etilgan. Qadimda Pishlek deb atalgan.
Anqara, Turkiya poytaxti. Avvalboshda Ankira, 1073-yildan esa Engyuryu deyilgan.
Xelsinki, Finlyandiya poytaxti. 1550-yilda tashkil topgan. Bir zamonlar shahar Gelsingfors (Helsingfors) deb nomlangan.
Vilnyus, Litva poytaxti. 1918-yilgacha Vilnya deb yuritilgan.
Ulan-Bator, Mo`g`uliston poytaxti. 1639-yilda Orgoo sifatida tashkil etilgan. 18-asrda Ix-xuree deb atalgan. 1911-1924-yillarda Niyslel-xuree deb nomlanib, 1924-yildan Ulan-Bator deb atalib kelinadi.
Jakarta, Indoneziya poytaxti. Bir vaqtlar bu shahar o`rnida Sunda-Kelapa aholi punkti bo`lgan.
Nur-Sulton, Qozog`iston poytaxti. 2019-yil Qozog`iston Respublikasi Parlamenti palatalari qo`shma majlisida Qozog`iston poytaxtiga mamlakatning Birinchi Prezidenti Nursulton Nazarboevning nomini berish to`g`risidagi qaror qabul qilindi.
