Geologlar: foydali qazilmalar zaxirasi asrlarga yetadi
Xalqaro
tadqiqotchilar guruhi tabiiy mineral resurslar (mis, rux v.b.) tobora soni
o’sayotgan aholi va sanoat ehtiyojini qoplashga yetishini isbotlashga urindi.
Bu haqda Geochemical
Perspectives jurnali yozmoqda.
Tadqiqotchilar
foydali qazilma zaxiralari cheklanganligi, agar qazib olish sur’ati
pasaytirilmasa yaqin o’n yil ichida sob bo’lishini bashorat qilib keladi. Ammo
yuqoridagi izlanish mualliflari aholi ehtiyoji o’sgan taqdirda ham foydali
qazilmalar zaxirasi yana asrlarga yetadi, deb xulosa qildi. Mualliflar foydali
qazilmalar bilan bog`liq muammolar yuzaga kelishini inkor etmaydi, biroq ular
zaxiralar tugashi emas, iqtisodiy, ekologik yoki ijtimoiy muammolar yuz berishi
ehtimolini ilgari suradi.
Olimlar
foydali qazilmalarning razvedka qilingan va iqtisodiy jihatdan baholangan qismi
bilan yer qobig`ida yotgan qismini chalkashtirmaslikni so’raydi. Ҳisobga olingan
zaxiralar hali yer qobig`ida o’rganilmay yotgan zaxiralarning kichik
qisminigina tashkil etadi, deydi olimlar. Konlarni razvedka qilish va baholash uchun
mablag`
zarur. Geologik kompaniyalar to qidirishga sarmoya kiritmaguncha yer ostida
o’rganilmagan konlar ochilishini kutib yotadi.
Shunday
qilib, o’rganilgan zaxiralar 20-40 yilga yetadi. Bunga sifati past rudalar va
hali o’rganilmagan ulkan kon zaxiralari kirmaydi. Ko’p hollarda 300 metr
chuqurlikkacha bo’lgan konlar razvedka qilinadi, aslida esa zamonaviy
texnologiyalar yordamida 2-3 ming metr chuqurlikni ham o’rganish mumkin.
Foydalanilgan manbalar:
