Global isish 100 mln kishini qashshoqlikda qoldirishi mumkin 

3 131

Xalqaro valyuta jamg‘armasi tahlilchilari Afrika, Osiyo-Tinch okeani, Karib va boshqa mintaqalardagi umumiy aholisi 1,5 milliondan kam bo‘lgan 34 rivojlanayotgan mamlakatda tadqiqotlar o‘tkazdi. Aniqlanishicha, har yili tabiiy ofatlar oqibatlarini bartaraf etishga YaIMning 2 foizi sarflanar ekan. Bu ko‘rsatkich rivojlangan davlatlarnikidan to‘rt barobarga ko‘proqdir, deb xabar qiladi "TASS”.
 

Bunday mamlakatlardagi har o‘n tabiiy ofatdan birining oqibatlarini bartaraf etishga YaIMning 30 foiziga teng mablag‘ sarflanishi aniqlandi.

Kelajak prognozlari esa bundan-da ayanchli bo‘lib chiqdi: 2080-yilga kelib tabiiy ofatlar keltiradigan yillik zarar Tinch okeani orollari mamlakatlarida 15 foizga, Karib havzasi davlatlarida esa 8 foizga yetadi.

Bundan tashqari, tadqiq etilgan mamlakatlarda investitsiya kam kiritilishi, YaIMning pasayib borishi va boshqa iqtisodiy muammolarni hal qilish uchun imkoniyatlar yetarli emas.

Bu mamlakatlarning uchdan birida xavf juda yuqori bo‘lib qoladi, ya’ni tabiiy ofatlar eng muhim sohalar rivojini to‘xtatib qo‘yadi yoxud ularni tanazzulga olib keladi. Baliqchilik, dehqonchilik, turizm shular jumlasidandir.

Mualliflarning prognozlariga ko‘ra, 2030-yilga kelib yuqorida omillar tufayli 100 million kishi qashshoqlikda qolib ketishi mumkin.

Mutaxassislar ushbu mamlakatlar rahbariyatlariga tabiiy ofatlar oqibatlarini bartaraf etish siyosatini va mexanizmlarini oldindan joriy etishni tavsiya qildi. Odatda bunday ishlar ofat kelib bo‘lganidan so‘ng amalga oshiriladi, buning oqibatida esa ko‘rilgan zarar juda katta bo‘ladi.

Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!
Agarda Siz maqolada xatoni uchratgan bo'lsangiz, unda xato matnni belgilab, CTRL + ENTER klavishasini bosing va sayt ma'muriga xabarnoma jo'nating.