Yuklanmoqda...

Toshkent shahri 

961

  Toshkent – O`zbekistonning poytaxti, Markaziy Osiyodagi eng yirik siyosiy-iqtisodiy va madaniy markaz bo`lib, unda 2,3 mln kishi yashaydi. Bugun Toshkent nafaqat strategik xalqaro mavqega ega bo`lgan siyosiy markaz, balki Markaziy Osiyoning yirik sanoat-transport chorrahasidagi muhim iqtisodiy megapolisdir. 
  O`zbekiston Prezidentining qarorgohi, O`zbekiston Respublikasi Oliy Majlisi, Vazirlar Mahkamasi, shunindek, xorijiy elchixonalar, BMT va uning tarkibidagi xalqaro tashkilotlar vakolatxonalari Toshkentda joylashgan. Shahar sharqona tafakkur bo`yicha qayta qurilmoqda. 
  Toshkent shahari mamlakat iqtisodiyotining turli sohalarida yetakchi o`ringa ega.  Xususan, respublikada ishlab chiqarilayotgan yalpi ichki mahsulotning 16,9 foizi, sanoat ishlab chiqarishning 14,7 foizi, investitsiyalarning 19,9 foizi, savdo aylanmasining 26,8 foizi, xizmatlarning 29,3 foizi, tashqi savdo aylanmasining 35 foizi, eksportning 27,5 foizi poytaxt hissasiga to`g`ri keladi. 
  Poytaxt iqtisodiyotining yetakchi tarmog`i hisoblangan sanoatning o`rni har doimgdek salmoqli bo`lib qolmoqda. Sanoat korxonalari nafaqat katta quvvatga ega, balki ishlab chiqarish texnologiyasi ham yuqoridir. 
  Shahar energetikasi Chirchiq-Bo`zsuv gidroelektrstansiyalar tizimi va Toshkent IESga tayanadi. Ular mamlakat yagona energetika tizimiga ulangan. 
  Toshkent muhim transport tugunidir. O`rta Osiyo davlatlarini boshqa mamlakatlar bilan bog`laydigan temiryo`l, avtomobil yo`llari Toshkent orqali o`tadi. Shahar atrofidagi rayonlar bilan elektropoyezd orqali ham bo`g`langan Toshkent havo yo`li orqali xorijiy davlatlarning 40 dan ortiq shaharlari bilan bog`langan. Shaharda 2 ta temir yo`l vokzali, 3 ta aeroport va Markaziy Osiyoda yagona metropolitan mavjud. Umumiy uzunligi 36 km dan ortiq bo`lgan metropolitan orqali yiliga 60 mln dan ortiq yo`lovchi tashiladi. 
 Toshkent – butun Markaziy siyoda eng yirik ilmiy-madaniy markaz hisoblanadi. Toshkentda O`zbekiston Fanlar akademiyasi, Qishloq xo`jaligi Fanlar akademiyasi, o`nlab ilmiy-tadqiqot institutlari, 32 ta oily o`quv yurti bor. UNESKO tashkiloti tomonidan 2007-yilda Toshkent Islom madaniyati poytaxti deb e`tirof etildi. Shaharda 500 ga yaqin maktab, akademik litsey va kasb-hunar kollejlari, ko`plab teatr va konsert zallari, sirk, zamonaviy stadion va boshqalar mavjud. 
 Toshkent shahrida, poytaxtga tutash tumanlarda usbanizatsiya jarayoni jadallashmoqda. 
  Urbanizatsiya – ijtimoiy-iqtisodiy yuksalish va shahar aholisi salmog`ining ortishi natijasida mamlakat hayotida shahar rolining kuchayishi. 
  Endilikda shahar maydoni 330 kv.km dan ortib, atrofidagi avtimobil halqa yo`lidan (64 km) tashqaridagi hududlarni ham qamrab olmoqda. 
  Poytaxtning iqtisodiy va ijtimoiy ta`siri negizida undan 60-70 km radiusdagi hudud bo`ylab 10 ta shahar va 20 ga yaqin shaharchadan iborat Toshkent aglomeratsiyasi vujudga kelgan. 
   Aglomeratsiya – shaharlarning yirik shahar atrofida to`planishi.
  Bu aholi punktlari asosan Chorvoqdan Sirdaryogacha bo`lgan oraliqdagi yo`llar atrofida joylashgan. Ular Toshkent taraqqiyotini tartibga solish uchun muhim qulayliklar yaratadi.

plus  Foydalanilgan manbalar:

Maqolani foydali yoki qiziqarli deb hisoblasangiz ijtimoiy tarmoqlardagi do`stlaringizga matnni belgilab tavsiya qiling!
Agarda Siz maqolada xatoni uchratgan bo'lsangiz, unda xato matnni belgilab, CTRL + ENTER klavishasini bosing va sayt ma'muriga xabarnoma jo'nating.

Sharh qoldirish shakli

kodni yangilash