Andijon viloyati 

14 669

Maydoni 4,2 ming km.kv. Aholisi 3 million 66 ming 900 kishidan ortiq (2019-yil 1-yanvar holati). Andijon viloyatida 14 ta tuman, 11 ta shahar va 79 ta shaharcha mavjud.

Andijon viloyati mamlakatning eng sharqiy viloyatidir. Viloyatning g‘arbi tekislik, sharqi qir-adirlardan iborat bo‘lib, tog‘ tizmalariga tutashgan.

Qishloq­ xo‘jaligining­ asosiy­ tarmoqlari: paxtachilik, donchilik, sabzavotchilik, bog‘dorchilik, uzumchilik, go‘sht-sut chorvachiligi, ipakchilik. 
Sanoatning ­asosiy­ tarmoqlari: mashinasozlik, avtomobilsozlik, elektroenergetika, yengil sanoat, oziq-ovqat sanoati.
Viloyat qishloq­ xo‘jaligi rivojlangan. O‘zlashtiriladigan yerlar deyarli qolmagan. Paxtaning yalpi hosili faqat hosildorlikni ko‘tarish hisobiga oshirilmoqda. Sabzavot, kartoshka va poliz ekinlari, asosan, shaharlar atrofida yetishtiriladi. Qishloq xo‘jaligida bog‘dorchilik salmoqli o‘rin tutadi. Bog‘ va tokzorlar adirlar hisobiga kengaymoqda. Ixtisoslashgan bog‘dorchilik xo‘jaliklari bor.

Chorvachiligida qo‘y va echkilarning salmog‘i katta. Qoramol, asosan, sut va go‘sht uchun boqiladi. Pillachilik viloyat xo‘jaligida muhim ahamiyatga ega.

Viloyatda sanoat ham yuqori darajada rivojlangan bo‘lib, unda 160 dan ortiq sanoat korxonalari mavjud. Korxonalar orasida Asaka avtomobil zavodi, Andijon avtomobil o‘rindiqlari zavodi, irrigatsiya mashinasozligi zavodi, «Semurg‘» trikotaj aksiyadorlik birlashmasi yirik korxonalar hisoblanadi. Korxonalar, asosan, Andijon sanoat tugunida joylashgan. Viloyat elektr energiyani iqtisodiy geografik rayonning birlashgan energetika tizimidan oladi. Kampirravot suv omborida quvvati 100 ming kilovattli GES qurilgan.

Andijon mamlakatda ilk neft olingan markazlardan biridir. Neft quvur orqali Farg‘ona viloyatidagi neftni qayta ishlash zavodlariga yuboriladi. Xo‘jaobodda mamlakatimizdagi eng yirik yerosti gaz ombori barpo etilgan. Undagi gazdan Andijon va Asaka shaharlariga ham yetkazib beriladi.

Shaharlari. Andijon obikor dehqonchilik markazida joylashgan. Neft, gaz va binokorlik materiallari konlari shaharning shundoq yonida.
Shaharda og‘ir, yengil hamda oziq-ovqat sanoatiga tegishli 40 taga yaqin korxona ishlab turibdi. Ulardan paxta zavodi, to‘qimachilik hamda trikotaj fabrikalari mamlakat miqyosidagi yirik korxonalar hisoblanadi. Shoyi to‘qish korxona-lari viloyat pillakorlari tomonidan pilla bilan ta’minlab turiladi. Shaharda Andijon davlat universiteti, tibbiyot, qishloq xo‘jalik, mashinasozlik institutlari bor. Ko‘plab teatrlar, kutubxonalar, sport maydonchalari, istirohat va botanika bog‘lari mavjud. Boburiylar davrida ham Andijon xo‘jaligi, ilmma’rifati va madaniyati o‘z davriga nisbatan ravnaq topgan shahar bo‘lgan. 
Bobur bu haqda «Boburnoma» asarida yozib qoldirgan. Asaka mamlakatning avtomobilsozlik markazidir. Bu yerda «Lacetti», «Chevrolet Tracker», «Chevrolet Captiva», «Malibu», «Kobolt» rusumli yangi avtomashinalarni ham ishlab chiqarish yo‘lga qo‘yildi.

Asaka shahri Shahrixonsoy daryosi oqib chiqadigan adirlik etagida joylashgan. Shaharni paxta dalalari, bog‘lar, tokzorlar o‘rab olgan. Shaharda
avtomobil zavodidan tashqari, paxta-moy zavodlari, yengil va oziq-ovqat sanoatining boshqa korxonalari, shisha va kislorod zavodlari, binokorlik materiallari ishlab chiqaradigan korxonalar bor. Ko‘pgina madaniyma’rifiy muassasalar ishlab turibdi. Shahar Andijon, Farg‘ona va Marg‘ilon
yo‘nalishidagi yo‘llar ustida joylashgan.

plus  Использованные источники:

Поделитесь ссылкой с друзьями выделив текст.
Заметили ошибку, тогда выделите ошибочный текст и нажмите клавишы CTRL + ENTER.